Bagara nahikoak Donostian bizikletan gabiltzanak; etxera bustita iristen garenak eta lanean beti galtzerdi eta galtza pare bat ditugunak aldatzeko. Gure bizikleta maiteak aparkalekuetan busti, lehortu eta zaintzen ditugunak.

Onartu behar dut, haserre punttu batekin idazten dudala sarrera hau; baina Donostiako udaleko mugikortasun sailak abiatu duen kanpaianak sumindu egin nau.

[caption id=”attachment_1632” align=”aligncenter” width=”225”]IMG_20150324_203423 Kanpainaren kartela[/caption]

Kanpaina, berez neguan bizikleta gehiago erabiltzeko eginda dago eta gomendio oso “interesgarriak” ematen ditu, horren adibide: Zaindu bizikleta, ez ibili espaloitik, egin ezazu seguru bat…

Baina… ez al dira konturatu zeintzuk diren bizikleta ez erabiltzearen benetako arazoak?

[caption id=”attachment_1633” align=”aligncenter” width=”225”]IMG_20150324_162703 Arazo horietako bat[/caption]

 

Bidegorriak putzu gabe gozatzea ondo legoke, eta autoen ondoan daudenak hauen zipriztenetatik babesturik egotea ere bai. (Kontxakoa adibidez….) Horrek bai lagunduko lukeela bizikleta zale gehiagok neguan ere bizikleta hartzea!

Beste aldetik… saiatu al dira mugikortasun sailekoak neguan, euri zaparrada baten erdian donostiako kaleak erabiltzen? Lortu al zuten kotxeren batek legea bete eta 1,5metrotara pasatzea?

Agian, kotxe eta motor gidariei bideratutako kanpaina egitea komenigarria litzateke, neguan, ilunpean eta euria ari duenean kontu gehiago izan zezaten beraiekin errepidea partekatzen duten beste ibilgailuekin.

Mugikortasun saileko kide maiteok, mila esker zuen gomendiengatik, baina datorren urterako; 1,5metroko tartea errespetatzen ez duten kotxeentzet Ander Izagirre sustatzen ari den “Olasagasti doktrina” -ri babesa ematea gomendatzen dizuet. Panel horiek baino askoz ere eraginkorragoa izango da.

P.D. Honekin ez dut Donostian bizikletak erabiltzearen alde egin den lan guztia pikutara bidali nahi. Oso lan ona burutu da orain arte bizikleta suspertzearren, baina tamalez… kanpaina honekin ez dute asmatu.