Azken hilabeteetan abian jarri duten ekimen interesgarri baten berri eman nahi nizueke. “Hiri asko bere baitan”; zortzi lanez osatutako ekimena izan da, Bilbok dituen barrutiak aitzaki hartuta. Zein baino zein ederrago.

Hiri Asko bere baitan

Musika, argazkigintza eta idatziak batuz liburuxka polita atera dute kalera Aitor, Asier eta Unaik,; CD eta guzti. Hementxe nago ni, liburuxka esku artean irakurri, entzun edo begiratu … dena egin nahiean! </span></span>

Lan bakoitzak Bilboko txoko batera eramango gaitu, bere usain, tenperatura, soinu eta zirrarak biziaraziz. Eta ez dira turistentzako toki ezagunak izango, ez… ez duzue hemen Guggenheim edo halakorik aurkituko. Bilboko biztanleen arimaren arrastoa non dagoen berriz erraz aurkituko duzue lan hauen barruan.

Hementxe uzten dizuet niri iritziz egindako lan borobilena, “Low Cost” izenekoaren argazkia, gehiago nahi baduzue, sar zaitezte web orrian eta gozatu! Hantxe aurkituko dituzue agure baldarrak, hiria kakazten duten garabiak, emakume itsusi eta txikiak egin ziren haizeorratzak!

[caption id=”” align=”aligncenter” width=”555”] “Low Cost”[/caption]